سوڈان میں امن کی کوششوں کے لیے پانچواں مشاورتی اجلاس مصر میں، سعودی وزیر خارجہ بھی شریک

قاہرہ: سوڈان میں انسانی امداد اور امن قائم کرنے کے لیے پانچواں مشاورتی اجلاس مصر میں ہوا، جس میں سعودی وزیر خارجہ ولید الخریجی نے بھی شرکت کی۔

عرب میڈیا کے مطابق اجلاس میں سعودی عرب نے زور دیا کہ سوڈان میں کسی بیرونی مداخلت کو روکنا انتہائی ضروری ہے اور جنگ بندی کے اقدامات کے ساتھ انسانی امداد پہنچانے کے محفوظ راستے فراہم کیے جائیں۔

اجلاس میں سوڈانی حکومت کی جانب سے سرحدی گزرگاہ کھولنے کے اقدام کا خیر مقدم کیا گیا، تاکہ متاثرہ علاقوں میں فوری امداد پہنچائی جا سکے اور انسانی بحران کو کم کیا جا سکے۔