بنوں میں خوارج کے خلاف کامیاب آپریشن,صدر مملکت،وزیراعظم اور وفاقی وزیر داخلہ کا خراج تحسین

صدر آصف علی زرداری نے بھارتی پراکسی کے 22 حملہ آوروں کے خلاف سکیورٹی فورسز کے بروقت اور مؤثر ردعمل کو سراہتے ہوئے کہا کہ پاک فوج اور قانون نافذ کرنے والے اداروں کا عزم قابلِ ستائش ہے

سکیورٹی فورسز کا بنوں میں آپریشن مزید جانئیے
صدر زرداری نے دو ٹوک کہا کہ بھارتی پشت پناہی میں سرگرم خوارج کا قلع قمع ریاست کی اولین ترجیح ہے۔

وزیراعظم شہباز شریف نے بنوں میں آپریشن سراہتے ہوئے کہا ہے کہ عزم استحکام کے وژن کے تحت سکیورٹی فورسز دہشت گردی کے خلاف بڑی کامیابیاں حاصل کر رہی ہیں۔

دریں اثنا وفاقی وزیر داخلہ محسن نقوی نے اپنے بیان میں کہا کہ بنوں میں 22 بھارتی اسپانسرڈ دہشت گردوں کو جہنم واصل کرنے پر سکیورٹی فورسز کو سلام پیش کرتے ہیں۔