امریکی صدر کا آبنائے ہرمز میں بحری نقل و حرکت بحال کرنے کا اعلان

امریکی صدر نے اعلان کیا ہے کہ آبنائے ہرمز میں بحری جہازوں کی آمدورفت پیر سے دوبارہ بحال کی جائے گی۔

سوشل میڈیا پر جاری اپنے پیغام میں امریکی صدر نے کہا کہ امریکا اور ایران کے درمیان مثبت بات چیت جاری ہے اور اس پیش رفت کے نتیجے میں اہم اقدامات کیے جا رہے ہیں۔

انہوں نے بتایا کہ پیر کی صبح سے آبنائے ہرمز میں پھنسے ہوئے جہازوں کو آزاد کرانے کے لیے کارروائی شروع کی جائے گی۔

امریکی صدر کے مطابق کچھ ممالک نے امریکا سے اپنے بحری جہازوں کی واپسی میں مدد کی درخواست کی تھی، جس پر امریکا نے غیر جانبدار ممالک کے جہازوں اور عملے کو محفوظ طریقے سے نکالنے کی یقین دہانی کرائی ہے۔