آبنائے ہرمز پر پیشرفت ہو رہی ہے، جلد ڈیل متوقع ہے: امریکی عہدیدار

ایک امریکی عہدیدار کے مطابق آبنائے ہرمز کے معاملے پر ایران اور عمان کے درمیان مثبت پیش رفت ہو رہی ہے اور جلد ہی ایک باقاعدہ معاہدہ (ڈیل) طے پانے کی توقع ہے۔ خبر ایجنسی کے مطابق امریکی حکام نے واضح کیا ہے کہ جیسے ہی اس اہم بحری گزرگاہ میں تجارتی جہاز رانی (کمرشل شپنگ) کی بغیر کسی رکاوٹ کی بحالی کا باضابطہ اعلان کیا جائے گا، امریکہ بھی ایرانی بندرگاہوں کی ناکہ بندی فوری طور پر ختم کر دے گا۔ واضح رہے کہ اسلام آباد مفاہمتی یادداشت کی خلاف ورزیوں کے بعد ایران کی جانب سے آبنائے ہرمز کو دوبارہ بند کر دیا گیا تھا، جس کے جواب میں امریکی افواج نے بھی اس اسٹریٹجک شاہراہ اور ایرانی بندرگاہوں کی ناکہ بندی کر رکھی ہے۔