امریکی سینٹ کام کا آبنائے ہرمز کی ناکہ بندی کا اعلان، عملدرآمد آج سے شروع ہوگا

امریکی سینٹرل کمانڈ (سینٹ کام) نے اعلان کیا ہے کہ آبنائے ہرمز میں ناکہ بندی کا عمل آج صبح سے شروع کر دیا جائے گا، جس کا اطلاق ایران آنے اور جانے والے تمام ممالک کے جہازوں پر ہوگا۔

سینٹ کام کے مطابق اس دوران دیگر ممالک کے تجارتی جہازوں کی نقل و حرکت میں رکاوٹ نہیں ڈالی جائے گی، تاہم سکیورٹی نگرانی کو مزید سخت کر دیا گیا ہے۔ حکام نے واضح کیا ہے کہ ناکہ بندی کے آغاز سے قبل تمام کمرشل جہازوں کو مکمل تفصیلات اور ضروری ہدایات فراہم کی جائیں گی۔

اعلامیے کے مطابق امریکی وقت کے مطابق پیر کی صبح دس بجے سے ناکہ بندی کا آغاز ہوگا، جبکہ پاکستانی وقت کے مطابق یہ عمل پیر کی شام سات بجے سے نافذ العمل ہوگا۔