سری نگر میں پولیس سٹیشن کمپاؤنڈ میں دھماکا، 9 افراد ہلاک، 13 زخمی

مقبوضہ کشمیر کے دارالحکومت سری نگر میں نوگام پولیس اسٹیشن کے اندر زوردار دھماکے کے نتیجے میں کم از کم 8 افراد زخمی ہوگئے۔ بھارتی میڈیا کے مطابق دھماکا اُس وقت ہوا جب پولیس اہلکار اور فارنزک سائنس لیبارٹری (FSL) کی ٹیم اسٹیشن کے اندر معائنے میں مصروف تھی۔

ابتدائی اطلاعات کے مطابق دھماکا ضبط شدہ امونیم نائٹریٹ پھٹنے کے باعث ہوا۔ دھماکے کے بعد پولیس اسٹیشن کے احاطے میں کھڑی متعدد گاڑیاں شدید متاثر ہوئیں جبکہ علاقے میں خوف و ہراس پھیل گیا۔

واقعے کے بعد فائر ٹینڈرز اور امدادی ٹیمیں موقع پر پہنچ گئیں اور سڑکیں آمدورفت کے لیے بند کردی گئیں۔ جانی نقصان کے خدشے کے پیشِ نظر مزید تحقیقات اور سرچ آپریشن جاری ہے۔ دھماکے کی نوعیت اور اصل وجہ جاننے کے لیے باضابطہ انکوائری شروع کردی گئی ہے۔