مودی نے آزاد خارجہ پالیسی اسرائیل کے قدموں میں ڈھیر کر دی: سونیا گاندھی کی شدید تنقید

بھارتیہ کانگریس کی صدر سونیا گاندھی نے نریندر مودی کی خارجہ پالیسی کو آڑے ہاتھوں لیتے ہوئے الزام عائد کیا ہے کہ موجودہ حکومت نے بھارت کی تاریخی خود مختار پالیسی کو اسرائیل کے حق میں قربان کر دیا ہے۔ انہوں نے کہا کہ اسرائیل اور ایران کے درمیان دہائیوں سے قائم متوازن سفارتی حکمتِ عملی کو سیاسی مفادات کی نذر کر دیا گیا ہے۔ سونیا گاندھی کے مطابق مودی کے اسرائیل کے ہائی پروفائل دورے محض “سیاسی نمائش” ہیں، جنہوں نے ایران کے ساتھ برابری کی روایت کو توڑ کر بھارت کے اسٹریٹجک مفادات کو نقصان پہنچایا ہے۔