سہیل آفریدی کا 10 جون کو قومی اسمبلی کے سامنے دھرنے اور بجٹ کی منظوری روکنے کا اعلان
Web Desk
2 June 2026
وزیراعلیٰ خیبرپختونخوا سہیل آفریدی نے وفاقی بجٹ کی منظوری کے خلاف سخت ردعمل دیتے ہوئے 10 جون کو قومی اسمبلی کے سامنے دھرنے کا اعلان کر دیا ہے۔
انہوں نے میڈیا سے گفتگو میں کہا کہ اگر انہیں اور ان کی جماعت کو دوبارہ نظر انداز کیا گیا تو ملک بھر سے منتخب نمائندے اسلام آباد پہنچ کر احتجاج کریں گے اور وفاقی بجٹ کی منظوری نہیں ہونے دی جائے گی۔
سہیل آفریدی کے مطابق خیبرپختونخوا حکومت بانی پی ٹی آئی کے وژن کے مطابق چل رہی ہے اور صوبائی بجٹ بھی انہی کی ہدایات کے تحت تیار کیا جانا چاہیے۔ انہوں نے کہا کہ وہ بانی پی ٹی آئی سے ملاقات کر کے بجٹ پر مشاورت چاہتے ہیں۔
انہوں نے اعلان کیا کہ وہ اس حوالے سے عدالت سے رجوع کریں گے اور ملاقات کی اجازت حاصل کرنے کی کوشش کریں گے، تاہم ان کے مطابق اب تک بانی پی ٹی آئی اور ان کے اہل خانہ کو ملاقات کی اجازت نہیں دی گئی۔
وزیراعلیٰ نے کہا کہ وہ اس وقت تک اپنے عہدے پر موجود رہیں گے جب تک بانی پی ٹی آئی کی طرف سے کوئی نیا فیصلہ یا ہدایت موصول نہیں ہوتی۔
انہوں نے مزید کہا کہ بانی پی ٹی آئی کو ان کے اہل خانہ اور قانونی ٹیم سے دور رکھنا باعث تشویش ہے اور اس سے کئی سوالات جنم لیتے ہیں۔
سہیل آفریدی نے واضح کیا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور ان کی مرضی کے بغیر حکومت یا قیادت میں تبدیلی ممکن نہیں۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026