اڈیالہ جیل کے باہر دھرنا کیس: گرفتار 14 ملزمان کا تین روزہ جسمانی ریمانڈ منظور

راولپنڈی: اڈیالہ جیل کے باہر علیمہ خان کے دھرنے کے معاملے میں پولیس نے گزشتہ رات گرفتار کیے گئے 14 ملزمان کو عدالت میں پیش کردیا۔ مقدمے کی سماعت انسدادِ دہشت گردی عدالت کے جج امجد علی شاہ نے کی۔

عدالت نے پولیس کی استدعا منظور کرتے ہوئے تمام 14 ملزمان کا تین روزہ جسمانی ریمانڈ منظور کرلیا، جس کے بعد انہیں تفتیش کے لیے پولیس کے حوالے کردیا گیا۔پولیس کے مطابق ملزمان سے دھرنے اور امن و امان کی صورتحال کے حوالے سے مزید تفتیش کی جائے گی، جبکہ کیس کی آئندہ سماعت بعد ازاں مقرر کی جائے گی۔