LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

نئے انتظامی یونٹس کا بیانیہ پورے ملک کی آواز، صوبوں کا مطالبہ غداری کیسے ہو گیا؟ علی خورشیدی

Web Desk

21 November 2026

سندھ اسمبلی میں قائدِ حزبِ اختلاف اور متحدہ قومی موومنٹ (ایم کیو ایم) پاکستان کے رہنما علی خورشیدی نے صوبائی حکومت اور پاکستان پیپلز پارٹی (پی پی پی) کی قیادت پر کڑی تنقید کرتے ہوئے سوال اٹھایا ہے کہ کیا جواب دینے کے لیے وزراء کم پڑ گئے تھے؟

کراچی میں ایک پریس کانفرنس سے خطاب کرتے ہوئے اپوزیشن لیڈر علی خورشیدی نے کہا کہ نکمے اور ناکارہ افراد کو محض ویک اینڈ منانے کے لیے کراچی بلایا گیا ہے اور اگر باتوں کا کوئی ٹورنامنٹ منعقد کیا جائے تو یہ لوگ اس میں پہلے نمبر پر آئیں گے۔ نئے صوبوں کے قیام کے حوالے سے بات کرتے ہوئے انہوں نے سوال کیا کہ صوبوں کا مطالبہ غداری کیسے ہو گیا؟ انہوں نے واضح کیا کہ نئے انتظامی یونٹس کے قیام سے متعلق ایم کیو ایم پاکستان کا بیانیہ اب پورے ملک کی آواز بن چکا ہے۔

چیئرمین پیپلز پارٹی بلاول بھٹو زرداری کے حالیہ بیان پر ردعمل دیتے ہوئے علی خورشیدی نے کہا کہ بلاول بھٹو کا رویہ دھمکی آمیز تھا جس کی پورے پاکستان نے مذمت کی ہے۔ انہوں نے پیپلز پارٹی کی قیادت کو مخاطب کرتے ہوئے کہا کہ کراچی سے لے کر اوباڑو تک سندھ کے عوام آپ سے مطمئن نہیں ہیں، لہٰذا دھمکی کے بجائے دلیل اور منطق سے بات کی جانی چاہیے۔ ان کا مزید کہنا تھا کہ جس اقدام سے پیپلز پارٹی کو سیاسی سہولت ملے، ان کے نزدیک صرف وہی چیز جمہوری بن جاتی ہے۔

سندھ میں پیپلز پارٹی کی طویل حکمرانی پر تنقید کرتے ہوئے قائدِ حزبِ اختلاف علی خورشیدی نے کہا کہ گزشتہ 18 برسوں سے سندھ میں اقتدار پیپلز پارٹی کے پاس ہے لیکن عملی کارکردگی کے نام پر ان کے پاس دکھانے کو کچھ بھی نہیں ہے، جبکہ انہوں نے یہ الزام بھی عائد کیا کہ مرتضیٰ وہاب جعلی مینڈیٹ کے ذریعے کراچی کے میئر بنے ہیں