کچے میں آپریشن جاری، حکومتی رٹ 100 فیصد قائم ہے: وزیر داخلہ سندھ
Web Desk
25 June 2026
صوبائی وزیر داخلہ سندھ ضیا الحسن لنجار نے دعویٰ کیا ہے کہ سندھ کے کچے کے علاقوں میں حکومتی رٹ 100 فیصد بحال ہو چکی ہے اور کوئی بھی ایسا علاقہ نہیں ہے جہاں حکومت کی عملداری موجود نہ ہو، جبکہ جرائم پیشہ عناصر اور ڈاکوؤں کے خلاف گرینڈ آپریشن کامیابی سے جاری ہے۔ وزیر داخلہ سندھ نے کہا کہ پائیدار امن کے قیام کے لیے حکومتی پالیسی کے تحت کچے کے علاقوں کے لیے ایک جامع ڈویلپمنٹ (ترقیاتی) پیکج لایا جا رہا ہے۔ انہوں نے واشگاف الفاظ میں کہا کہ جب تک کچے کے مقامی رہائشیوں کو تعلیم، صحت اور روزگار کے مناسب مواقع فراہم نہیں کیے جائیں گے، تب تک خطے میں امن و امان کا مستقل قیام ممکن نہیں ہو سکے گا۔معصوم بچی پریا کماری کی بازیابی کے حوالے سے پوچھے گئے ایک سوال کے جواب میں ضیا الحسن لنجار کا کہنا تھا کہ معصوم پریا کی بحفاظت بازیابی کے لیے سندھ پولیس کی انتھک کوششیں اور تفتیش جاری ہے، جبکہ اس اغوا کاری کے واقعے میں جن بدنامِ زمانہ ڈاکوؤں پر شدید شک تھا، وہ پولیس مقابلوں کے دوران ہلاک ہو چکے ہیں۔میڈیا سے گفتگو کے دوران وزیر داخلہ نے سندھ پولیس کے جوانوں کے مالی تحفظ پر بات کرتے ہوئے ان افواہوں اور تاثر کو یکسر مسترد کر دیا کہ سندھ پولیس کے جوانوں کی تنخواہیں پنجاب پولیس کے مقابلے میں کم ہیں۔ انہوں نے واضح کیا کہ یہ تاثر بالکل غلط ہے اور حکومتِ سندھ اپنے پولیس کے جوانوں کو بہترین مراعات اور تنخواہیں فراہم کر رہی ہے تاکہ ان کا مورال بلند رہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026