ترلائی دھماکے کے بعد سندھ بھر میں سیکیورٹی ہائی الرٹ، امام بارگاہوں اور مساجد کی نگرانی سخت کرنے کا حکم
Web Desk
6 February 2026
کراچی: اسلام آباد کے علاقے ترلائی میں امام بارگاہ میں دھماکے کے واقعے کے تناظر میں وزیر داخلہ سندھ ضیاء الحسن لنجار نے صوبے بھر میں سیکیورٹی ہائی الرٹ کرنے کے احکامات جاری کر دیے۔
وزیر داخلہ سندھ نے ہدایت کی ہے کہ صوبے کی تمام امام بارگاہوں، مساجد اور دیگر مذہبی مقامات کی سیکیورٹی مزید سخت کی جائے۔ انہوں نے حساس اضلاع میں پولیس گشت بڑھانے اور داخلی و خارجی راستوں پر ناکہ بندی اور اسنیپ چیکنگ کے عمل کو مزید مربوط اور مؤثر بنانے کی بھی ہدایت دی۔
ضیاء الحسن لنجار کا کہنا تھا کہ مذہبی اجتماعات، مجالس اور عبادت گاہوں پر واک تھرو گیٹس اور میٹل ڈیٹیکٹر کے استعمال کو یقینی بنایا جائے جبکہ سادہ لباس اہلکاروں کی تعیناتی کے ذریعے مشکوک افراد پر کڑی نظر رکھی جائے۔
انہوں نے سی سی ٹی وی کیمروں کی مکمل فعالیت اور مؤثر مانیٹرنگ یقینی بنانے کی بھی ہدایت کی۔ وزیر داخلہ سندھ نے شہریوں سے اپیل کی کہ کسی بھی مشکوک سرگرمی کی فوری اطلاع قریبی تھانے یا ہیلپ لائن 15 پر دیں۔
انہوں نے کہا کہ غیر معمولی سیکیورٹی اقدامات کی کامیابی کے لیے عوام کا تعاون ناگزیر ہے اور صوبائی حکومت شہریوں کے جان و مال کے تحفظ کے لیے ہر ممکن اقدامات کرے گی۔
متعلقہ عنوانات
سلامتی کونسل کالعدم بی ایل اے اور مجید بریگیڈ پر پابندیاں لگائے: چین
20 November 2026
اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ
20 November 2026
افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل
20 November 2026
امریکی صدر نے ایران پر دوبارہ حملوں کا معاملہ اگلے سال تک ملتوی کردیا
20 November 2026
امریکی سینیٹ نے ٹرمپ کو ایران پر حملوں سے روکنے کی قرارداد مسترد کر دی
20 November 2026
ترکیہ نے اپنا پہلا بغیر پائلٹ جنگی طیارہ قزل ایلما مسلح افواج کے حوالے کر دیا
20 November 2026
اینتھروپک کے حصص کی فروخت، کمپنی کی مالیت 15 کھرب تک پہنچ گئی
20 November 2026
ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک
20 November 2026