میر رضا کیس: انکوائری کمیشن کی مدت میں توسیع منظور

سندھ کابینہ نے میر رضا علی کے قتل کیس کی غیر جانبدارانہ اور شفاف تحقیقات کے لیے قائم کردہ جوڈیشل کمیشن کی مدت میں 15 اکتوبر تک توسیع کی باضابطہ منظوری دے دی ہے۔ وزیراعلیٰ سندھ مراد علی شاہ کی زیر صدارت ہونے والے کابینہ کے اجلاس میں بریفنگ دی گئی کہ کمیشن اب تک وسیع پیمانے پر کارروائی کرتے ہوئے درجنوں گواہوں کے بیانات قلمبند کر چکا ہے، اور تحقیقات کو مکمل کرکے حتمی سفارشات مرتب کرنے کے لیے یہ مہلت دی گئی ہے۔ واضح رہے کہ محکمہ داخلہ سندھ کی جانب سے 24 اگست کو جاری ہونے والے نوٹیفکیشن کے تحت اس جوڈیشل کمیشن نے 27 اگست سے اپنے کام کا آغاز کیا تھا، جسے ابتدائی طور پر ایک ماہ میں کارروائی مکمل کرنا تھی۔