انڈس اے آئی ویک 2026: پاکستان کے ڈیجیٹل انقلاب کی جانب تاریخی سنگِ میل

خصوصی سرمایہ کاری سہولت کونسل (ایس آئی ایف سی) کے اصلاحاتی اقدامات سے قومی اقتصادی اور ٹیکنالوجی منصوبوں کو عملی پیش رفت حاصل ہو رہی ہے۔ اس سلسلے میں پاکستان میں اے آئی اور جدید ٹیکنالوجی کے فروغ کے لیے ’’انڈس اے آئی ویک 2026‘‘ ایونٹ اسلام آباد میں منعقد ہوا۔

قومی سطح کے اسٹریٹجک فورم پر مصنوعی ذہانت اور ابھرتی ٹیکنالوجیز سے متعلق متعدد سرگرمیاں منعقد کی گئیں، جن میں ’’اے آئی فار ہر‘‘، نیشنل اے آئی بوٹ کیمپ، گلوبل گیم جیم، ٹیک مقابلے اور گورنمنٹ و ڈیفنس ٹیک نمائش شامل تھیں۔

اے آئی ڈیٹا اینالسٹ محمد احمد نے ایونٹ کو نہایت اہم قرار دیتے ہوئے کہا کہ یہ موقع پاکستان کی صلاحیتوں کو پیش کرنے اور نوجوانوں میں اے آئی آگاہی بڑھانے کے لیے انتہائی معاون ہے، اور ایس آئی ایف سی کا شکریہ ادا کیا۔

عطا الرحمٰن، چیف بزنس آفیسر، ڈیوسِنک نے کہا کہ ایس آئی ایف سی، پاشا، پی ایس ای بی اور وزارتِ آئی ٹی کے تعاون سے یہ اقدام اے آئی آگاہی کے فروغ میں مددگار ثابت ہوگا۔

ایس آئی ایف سی کی اسٹریٹجک معاونت قومی اے آئی ایکوسسٹم کے فروغ میں کلیدی کردار ادا کر رہی ہے اور ملک میں مصنوعی ذہانت اور جدید ٹیکنالوجی کے میدان میں مواقع بڑھانے میں اہم کردار ادا کر رہی ہے۔