بانی پی ٹی آئی کی بگڑتی صحت کے خدشات کی تصدیق ہوگئی: شیخ وقاص اکرم

اکستان تحریکِ انصاف (پی ٹی آئی) کے مرکزی سیکرٹری اطلاعات شیخ وقاص اکرم نے کہا ہے کہ اڈیالہ جیل کی حالیہ رپورٹ نے بانی پی ٹی آئی کی بگڑتی ہوئی صحت سے متعلق پارٹی کے خدشات کی تصدیق کر دی ہے۔ اپنے بیان میں انہوں نے حکومت سے مطالبہ کیا ہے کہ بانی پی ٹی آئی کو فوری طور پر شفا انٹرنیشنل اسپتال منتقل کیا جائے اور ان کے ذاتی معالجین ڈاکٹر عاصم یوسف اور ڈاکٹر فیصل سلطان کی نگرانی میں مکمل طبی معائنہ اور کورونری سی ٹی اینجیو گرافی سمیت تمام ضروری ٹیسٹ کرائے جائیں۔ شیخ وقاص اکرم کا کہنا تھا کہ جیل انتظامیہ کے دعوؤں اور میڈیکل بورڈ کی سفارشات میں واضح تضاد موجود ہے، جبکہ طویل تنہائی اور خاندان سے ملاقاتوں پر پابندیاں ان کی صحت پر منفی اثرات مرتب کر رہی ہیں۔ انہوں نے متنبہ کیا کہ بانی پی ٹی آئی کی صحت سے متعلق کسی بھی قسم کی غفلت کے سنگین قانونی، اخلاقی اور سیاسی نتائج برآمد ہوں گے۔