شہباز-نواز شریف ملاقات: بانی پی ٹی آئی کی پمز منتقلی اور سیاسی و قانونی حکمتِ عملی پر مشاورت

وزیراعظم شہباز شریف اور مسلم لیگ (ن) کے صدر میاں نواز شریف کے درمیان دو گھنٹے طویل اہم ملاقات کی اندرونی تفصیلات سامنے آ گئی ہیں۔ ملاقات کے ایجنڈے میں سپریم کورٹ کی جانب سے بانی پی ٹی آئی کو ہسپتال منتقل کرنے کا فیصلہ سرفہرست رہا، جس پر وزیراعظم نے نواز شریف کو شفا ہسپتال کے بجائے پمز میں طبی معائنے کی وجوہات سے آگاہ کیا۔ اس موقع پر پی ٹی آئی کی ممکنہ توہینِ عدالت کی درخواست اور اس کے قانونی جواب سمیت آئندہ کی سیاسی حکمتِ عملی پر تفصیلی مشاورت کی گئی۔ میاں نواز شریف نے گفتگو کرتے ہوئے کہا کہ ملک مزید کسی سیاسی یا آئینی بحران کا متحمل نہیں ہو سکتا۔ ملاقات میں وزیراعلیٰ پنجاب مریم نواز بھی موجود تھیں، جبکہ آزاد کشمیر کے نئے وزیراعظم کے لیے مختلف ناموں پر بھی غور کیا گیا۔