حکومت اپوزیشن مذاکرات کا نتیجہ جلد سامنے آئے گا: شوکت یوسف زئی

پاکستان تحریک انصاف خیبرپختونخوا کے ترجمان شوکت یوسف زئی نے کہا ہے کہ حکومت اور اپوزیشن کے درمیان مذاکرات کا نتیجہ جلد سامنے آنے کی توقع ہے اور پوری قوم کو اس حوالے سے اچھی خبر کا انتظار ہے۔ انہوں نے واضح کیا کہ مطالبات تسلیم ہونے تک پی ٹی آئی کا لانگ مارچ ختم نہیں کیا جائے گا اور حکومت کو چاہیے کہ ڈیڈ لاک کو فوری ختم کرتے ہوئے سیاسی اسپیس فراہم کرے۔ شوکت یوسف زئی نے مزید کہا کہ حکومتی تاخیر سے ملک کو نقصان پہنچ رہا ہے، اس لیے بہتر یہی ہے کہ معاملات کو افہام و تفہیم کے ساتھ طے کیا جائے۔