آزاد کشمیر الیکشن میں دھاندلی کا الزام، وفاقی حکومت کی الٹی گنتی شروع ہونے کا دعویٰ,شرجیل میمن

سینئر صوبائی وزیر سندھ شرجیل انعام میمن نے اسلام آباد میں پیپلز پارٹی سیکریٹریٹ میں پریس کانفرنس کرتے ہوئے آزاد کشمیر انتخابات میں مسلم لیگ (ن) پر سنگین دھاندلی کے الزامات عائد کیے ہیں۔ انہوں نے کہا کہ ایل اے 11 اور 27 جولائی کو چوہدری اظہر کی جانب سے بلا خوف و خطر ٹھپے لگائے گئے اور مہاجرین کی نشستوں پر پنجاب پولیس نے ن لیگ کا مکمل ساتھ دیا۔ شرجیل میمن نے ایل اے 27 میں بارش کا بہانہ بنا کر پولنگ ملتوی کرنے کے الیکشن کمیشن کے فیصلے کو جھوٹ اور قوم کو گمراہ کرنے کے مترادف قرار دیا۔ انہوں نے پی پی پی ورکر مختار یونس کی شہادت پر پوائنٹ اسکورنگ کی مذمت کرتے ہوئے واضح کیا کہ پیپلز پارٹی اصولوں پر سودا نہیں کرتی اور کسی کو عوامی مینڈیٹ پر ڈاکہ ڈالنے کی اجازت نہیں دے گی۔ انہوں نے دعویٰ کیا کہ اس دھاندلی کے بعد وفاقی حکومت کی الٹی گنتی کا وقت شروع ہو چکا ہے۔