بابر اعظم اور رضوان ہمیشہ بہترین پرفارمنس دیتے ہیں، شاہین شاہ آفریدی

پاکستان کرکٹ ٹیم کے کپتان شاہین شاہ آفریدی نے کہا ہے کہ بابر اعظم اور محمد رضوان نے ہمیشہ ذمہ داری کے ساتھ پرفارم کیا ہے۔ راولپنڈی میں پریس کانفرنس کرتے ہوئے ان کا کہنا تھا کہ قومی اسکواڈ میں شامل جونیئر کھلاڑی بھی متاثر کن کارکردگی دکھا رہے ہیں، تاہم سینئرز کی موجودگی ٹیم کے استحکام کے لیے ضروری ہوتی ہے۔

شاہین آفریدی نے بتایا کہ ٹیم کو بابر اعظم کی سنچری کا طویل عرصے سے انتظار تھا، انہوں نے محنت، فوکس اور خود اعتمادی کے ساتھ بہترین کم بیک کیا۔ ان کے مطابق محمد رضوان نے دونوں میچز میں اہم کردار ادا کیا اور ٹیم کو درکار ہدف تک پہنچایا۔

کپتان نے مزید کہا کہ ٹیم وسیم جونیئر کی صلاحیتوں سے بھرپور فائدہ اٹھا رہی ہے، وہ انجری کے باوجود اسکواڈ کے ساتھ موجود رہے اور کم بیک کے بعد اچھا پرفارم کر رہے ہیں۔