پاور ڈویژن کے 659.6 ارب روپے کے قرضے کی سیٹلمنٹ مکمل،اویس لغاری

سلام آباد : وفاقی وزیر پاور ڈویژن اویس لغاری نے سوشل میڈیا پر جاری بیان میں بتایا ہے کہ پاور ہولڈنگ کمپنی کے 659.6 ارب روپے کے قرضے کی سیٹلمنٹ مکمل ہو چکی ہے۔ ان کے مطابق اس بڑی مالیاتی کامیابی میں 399.6 ارب روپے کی NDM ریڈمپشن بھی شامل ہے، جو پاکستان کی تاریخ کی سب سے بڑی ڈیٹ ٹرانزیکشن ہے۔وزیر کا کہنا تھا کہ 259.7 ارب روپے مختلف مدوں میں ادائیگی کے طور پر جاری کیے گئے ہیں، جب کہ NDM ٹرانزیکشنز ملکی کیپٹل مارکیٹ کی وسعت اور بڑے مالیاتی اقدامات اٹھانے کی صلاحیت کی عکاس ہیں۔انہوں نے مزید کہا کہ یہ تاریخی ٹرانزیکشن 1225 ارب روپے کے سرکلر ڈیٹ میں کمی کے حکومتی پلان کا حصہ ہے اور اس سے ملکی اداروں کے اعتماد اور معیشت کی بحالی کا واضح اظہار ہوتا ہے۔اویس لغاری نے کہا کہ حکومت انرجی سیکٹر میں اصلاحات کے لیے بھرپور اقدامات جاری رکھے ہوئے ہے۔