نیب کی 5 سالہ کارکردگی: 11565 ارب کی ریکارڈ ریکوری، حکومت کا ادارے میں عدم مداخلت کا دعویٰ

سینیٹ اجلاس کے دوران وزارتِ قانون کی جانب سے پیش کردہ تحریری جواب میں انکشاف کیا گیا ہے کہ قومی احتساب بیورو (نیب) نے گزشتہ پانچ برسوں میں 11,565 ارب روپے کی خطیر رقم ریکور کی ہے۔ وفاقی وزیر قانون اعظم نذیر تارڑ نے ایوان کو بتایا کہ نیب نے نہ صرف اربوں بلکہ کھربوں روپے برآمد کیے اور جنگلات سمیت وسیع سرکاری اراضی واگزار کروا کر صوبائی حکومتوں کے حوالے کی۔ انہوں نے واضح کیا کہ نیب اب ایک آزاد ادارہ ہے جس کا اصل کام سرکاری پیسے کی واپسی ہے، حکومت اسے ڈکٹیٹ نہیں کرتی بلکہ ادارے نے اپنے اندرونی میکنزم کے تحت بہتری پیدا کی ہے۔