سینیٹ میں پٹرولیم مصنوعات کے اعداد و شمار پیش: جولائی تا ستمبر 2026 میں پٹرول کی یومیہ فروخت 21 ہزار میٹرک ٹن سے متجاوز

سینیٹ اجلاس میں جولائی تا ستمبر 2026 کے دوران ملک بھر میں پٹرول اور ہائی اسپیڈ ڈیزل کی پیداوار اور فروخت کا تفصیلی تحریری ڈیٹا پیش کیا گیا ہے۔ سرکاری جواب کے مطابق، اس عرصے کے دوران ملک میں پٹرول کی یومیہ پیداوار 7,035 میٹرک ٹن اور یومیہ فروخت 21,583 میٹرک ٹن رہی، جبکہ ڈیزل کی یومیہ پیداوار 14,065 میٹرک ٹن اور فروخت 16,866 میٹرک ٹن ریکارڈ کی گئی۔ صوبائی بنیادوں پر پنجاب پٹرولیم کے استعمال میں پیش پیش رہا جہاں پٹرول کی یومیہ فروخت 14,827 میٹرک ٹن اور ڈیزل کی فروخت 10,779 میٹرک ٹن رہی۔ ایوان کو آگاہ کیا گیا کہ مقامی ریفائنریز ملکی اور درآمدی خام تیل کو پروسیس کر کے پٹرول اور ڈیزل تیار کرتی ہیں۔