سینیٹ کمیٹی خزانہ میں ہنگامہ,سینیٹر طلحہ محمود کا چیئرمین ایف بی آر کی تعیناتی پر اعتراض

سینیٹر سلیم مانڈوی والا کی زیرِ صدارت سینیٹ کی قائمہ کمیٹی برائے خزانہ کا اہم اجلاس ہوا، جس میں فیڈرل بورڈ آف ریونیو (FBR) کے ڈھانچے میں تبدیلیوں اور نئے ترمیمی بل پر بحث کی گئی۔

سینیٹر طلحہ محمود نے موجودہ چیئرمین ایف بی آر کی تعیناتی کو ہدف بناتے ہوئے کہا کہ ادارے کے اندر سے کسی تجربہ کار ممبر کو چیئرمین لگانا چاہیے تھا، جبکہ ایک ایسے شخص کو سربراہ لگا دیا گیا ہے جس کا ایف بی آر میں کام کا تجربہ ہی نہیں۔ انہوں نے انکشاف کیا کہ ایف بی آر افسران کے پاس 8 سے 10 کروڑ روپے کی گاڑیاں اور وسیع جائیدادیں ہیں، جن کی تحقیقات کے لیے ذیلی کمیٹی بنائی جانی چاہیے۔