خیبرپختونخوا اور بلوچستان میں فورسز کی کارروائیاں، 11 دہشت گرد ہلاک

سیکورٹی فورسز نے خیبرپختونخوا اور بلوچستان کے مختلف علاقوں میں دہشت گردوں کے خلاف مؤثر اور ٹارگٹڈ کارروائیاں کرتے ہوئے 11 دہشت گردوں کو ہلاک کر دیا ہے۔ ذرائع کے مطابق یہ کارروائیاں انٹیلی جنس معلومات کی بنیاد پر کی گئیں، جن کے دوران فورسز نے دہشت گردوں کے ٹھکانوں کو نشانہ بنایا اور شدید فائرنگ کے تبادلے کے بعد متعدد شرپسندوں کو جہنم واصل کر دیا۔ سیکورٹی فورسز کا کہنا ہے کہ ملک بھر سے دہشت گردی کے مکمل خاتمے اور امن و امان کے قیام کے لیے اس طرح کے آپریشنز بلا تعطل جاری رہیں گے۔