پنجاب میں دفعہ 144 کے نفاذ میں مزید 7 روز کی توسیع
Web Desk
8 March 2026
لاہور: حکومت پنجاب نے صوبے بھر میں امن و امان کی صورتحال کو مدنظر رکھتے ہوئے دفعہ 144 کے نفاذ میں مزید 7 روز کی توسیع کر دی ہے۔
محکمہ داخلہ پنجاب کی جانب سے جاری نوٹیفکیشن کے مطابق دہشتگردی کے ممکنہ خطرات اور امن عامہ کو لاحق خدشات کے باعث یہ فیصلہ کیا گیا ہے۔ نوٹیفکیشن کے تحت صوبے بھر میں اجتماعات، جلوسوں اور مظاہروں پر پابندی عائد کر دی گئی ہے۔
حکم نامے کے مطابق پنجاب میں چار یا اس سے زائد افراد کے عوامی اجتماع پر پابندی ہو گی جبکہ عوامی مقامات پر بغیر اجازت کسی بھی قسم کا اجتماع منعقد کرنے کی اجازت نہیں ہو گی۔
نوٹیفکیشن میں کہا گیا ہے کہ قانون نافذ کرنے والے اداروں کے اہلکار دورانِ ڈیوٹی اس پابندی سے مستثنیٰ ہوں گے۔ اسی طرح شادی بیاہ، جنازوں اور تدفین سے متعلق اجتماعات کو بھی پابندی سے استثنا حاصل ہو گا۔
اس کے علاوہ سرکاری اور نیم سرکاری دفاتر کے اجلاس اور عدالتوں کی کارروائیاں بھی اس پابندی میں شامل نہیں ہوں گی۔
حکام کے مطابق صوبے میں ہر قسم کے اسلحہ کی نمائش اور عوامی مقامات پر اس کے استعمال پر بھی مکمل پابندی عائد کر دی گئی ہے۔
انٹیلیجنس رپورٹس کے مطابق حساس اجتماعات دہشتگردی اور فرقہ واریت کا ہدف بن سکتے ہیں، جس کے پیش نظر حفاظتی اقدامات کے طور پر یہ فیصلہ کیا گیا۔
محکمہ داخلہ کے مطابق دفعہ 144 کے نفاذ میں توسیع 14 مارچ تک برقرار رہے گی جبکہ صوبے بھر کی ضلعی انتظامیہ اور پولیس کو ہدایات جاری کی گئی ہیں کہ وہ اس حکم نامے پر سختی سے عملدرآمد یقینی بنائیں۔
حکام کا کہنا ہے کہ امن و امان برقرار رکھنے اور عوامی جان و مال کے تحفظ کے لیے تمام ممکنہ اقدامات کیے جا رہے ہیں۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026