شمالی وزیرستان میں دفعہ 144 نافذ، تمام داخلی و خارجی راستے بند

خیبر پختونخوا کے ضلع شمالی وزیرستان میں سکیورٹی صورتحال کے پیشِ نظر دفعہ 144 نافذ کر دی گئی ہے، جس کے تحت تمام داخلی و خارجی راستے عارضی طور پر بند کر دیے گئے ہیں۔

ضلعی انتظامیہ کی جانب سے جاری نوٹیفکیشن کے مطابق دفعہ 144 صبح 5 بجے سے شام 7 بجے تک نافذ العمل رہے گی۔

نوٹیفکیشن میں واضح کیا گیا ہے کہ یہ اقدام سکیورٹی فورسز کی نقل و حرکت اور لاجسٹک ترسیل کو یقینی بنانے کے لیے اٹھایا گیا ہے، جبکہ شہریوں سے تعاون کی اپیل کی گئی ہے۔