ماسکو میں دوسرا عالمی ڈیجیٹل فورم آج شروع ہوگا، 120 ممالک کے نمائندے شریک ہوں گے

روس کے دارالحکومت ماسکو کے گورکی پارک میں واقع ‘میچتا’ کمپلیکس میں 2nd عالمی ڈیجیٹل فورم (Global Digital Forum 2026) کا آغاز ہو گیا ہے۔ تین روز تک جاری رہنے والے اس بین الاقوامی فورم میں دنیا کے 120 سے زائد ممالک کے 760 مندوبین شرکت کر رہے ہیں، جن میں ایشیا، افریقہ، خلیجی ممالک، یورپ اور لاطینی امریکہ سے تعلق رکھنے والے نائب وزرائے اعظم، ڈیجیٹل ترقی کے وزراء اور ٹیکنالوجی ماہرین شامل ہیں۔

اس 3 روزہ فورم کے دوران 60 سے زائد مباحثے، تعلیمی سیشنز اور انٹرایکٹو اجلاس منعقد کیے جائیں گے جن کا بنیادی مقصد قومی ڈیجیٹل خودمختاری، مصنوعی ذہانت (AI) کے محفوظ استعمال، اور ٹیکنالوجی کے شعبے میں عالمی تعاون کو فروغ دینا ہے۔ فورم کے موقع پر صحافیوں اور آن لائن کنٹینٹ کریئیٹرز کے لیے بالخصوص ‘آئی ٹی جرنلزم اسکول’ اور ‘بلاگرز اسکول’ جیسے نئے تربیتی پروگرامز کا انعقاد کیا جا رہا ہے۔ منتظمین کے مطابق فورم کے اختتام تک افریقی ممالک کے ڈیجیٹل اتحاد سمیت تکنیکی تعاون کے 100 سے زائد معاہدوں پر دستخط متوقع ہیں۔