پٹرول پمپس پر کارڈ ادائیگی، سٹیٹ بینک نے بڑی رعایت دے دی

سٹیٹ بینک آف پاکستان نے ملک بھر میں کیش لیس معیشت اور ڈیجیٹل ادائیگیوں کے فروغ کے لیے تمام پیٹرول پمپس پر “راست” (Raast) کیو آر کوڈ سسٹم متعارف کرانے کا فیصلہ کیا ہے۔ سٹیٹ بینک کے جاری کردہ باضابطہ سرکلر کے مطابق تمام پیٹرول پمپ مالکان کے لیے 31 جنوری 2027 تک راست کیو آر کوڈ پر مبنی ادائیگی کے نظام کو نافذ اور فعال بنانا لازمی قرار دیا گیا ہے۔ سرکلر میں کیش لیس ایندھن کی خریداری کو آسان بنانے کے لیے کارڈز کے ذریعے ادائیگی پر مرچنٹ ڈسکاؤنٹ ریٹ (MDR) کی زیادہ سے زیادہ حد فی لیٹر 01 روپیہ طے کی گئی ہے، جبکہ انٹرچینج ری ایمبرسمنٹ فیس کی حد فی لیٹر 20 پیسے مقرر کر دی گئی ہے۔ مرکزی بینک نے تمام فلنگ اسٹیشنز کو ہدایت کی ہے کہ وہ مقررہ مدت کے اندر اس ڈیجیٹل سہولت کو صارفین کے لیے ہر صورت دستیاب بنائیں۔