سعودی ولی عہد محمد بن سلمان امریکا پہنچ گئے، وائٹ ہاؤس میں شاندار استقبال

واشنگٹن: سعودی ولی عہد محمد بن سلمان امریکا کے دورے پر واشنگٹن پہنچ گئے ہیں، جہاں امریکی صدر نے انہیں وائٹ ہاؤس میں شاندار انداز میں خوش آمدید کہا۔ چند دیر میں دونوں رہنماوں کے درمیان اہم ملاقات ہوگی، جس میں دفاع، تجارت، ٹیکنالوجی اور جوہری معاہدے سمیت مختلف امور پر بات چیت متوقع ہے۔

برطانوی خبر رساں ایجنسی کے مطابق، سعودی عرب امریکا سے ففتھ جنریشن ایف-35 لڑاکا طیاروں کے حصول کا خواہشمند ہے، جبکہ امریکی صدر ٹرمپ 600 ارب ڈالر کی سعودی سرمایہ کاری چاہتے ہیں۔

یہ سعودی ولی عہد کا 2018 کے بعد امریکا کا پہلا دورہ ہے، اور اس کا مقصد دونوں ممالک کے تعلقات کو نئے دور میں داخل کرنا ہے۔ سعودی سفیر ریما بنت بندر کے مطابق، یہ دورہ دونوں دوست ممالک کی توقعات کے مطابق ہو گا اور اسٹریٹجک تعلقات کو مضبوط بنانے میں مددگار ثابت ہوگا۔