سعودی اتحادی افواج کا یمن کے شہر الحدیدہ میں حوثیوں کے ٹھکانوں پر حملہ

سعودی اتحادی افواج نے یمن کے مغربی گورنریٹ الحدیدہ اور جزیرہ کمران میں حوثی ملیشیا سے منسلک فوجی اہداف اور ٹھکانوں پر شدید فضائی حملے کیے ہیں۔ اتحادی افواج کے بیان کے مطابق ان کارروائیوں کا مقصد بحیرہ احمر میں تجارتی جہاز رانی کے خلاف پیدا ہونے والے سیکیورٹی خطرات کا خاتمہ کرنا تھا۔ سعودی التحالف نے وضاحت کی ہے کہ حدیدہ بندرگاہ کو نشانہ نہیں بنایا گیا اور تمام یمنی بندرگاہیں تجارتی جہاز رانی کے لیے مکمل طور پر کھلی ہیں۔ بیان میں خبردار بھی کیا گیا ہے کہ اگر حوثی باغیوں کی جانب سے جارحانہ اقدامات کا سلسلہ جاری رہا تو مزید سخت جواب دیا جائے گا۔

دوسری جانب، حوثیوں سے وابستہ ٹی وی چینل ‘المسیرہ’ اور یمنی سرکاری خبر رساں ایجنسی نے سعودی بمباری کی تصدیق کرتے ہوئے دعویٰ کیا ہے کہ حملوں میں ساحلی شہر حدیدہ، جزیرہ کمران کے علاوہ ٹیلی کمیونیکیشن کارپوریشن کی تنصیبات کو بھی نشانہ بنایا گیا ہے۔ یہ تلافیانہ کارروائی ایک ایسے وقت میں سامنے آئی ہے جب ایک روز قبل حوثی مسلح گروپ (انصار اللہ) نے سعودی عرب کے ۲ آئل ٹینکرز پر حملہ کرنے کا دعویٰ کرتے ہوئے کہا تھا کہ ان جہازوں نے گروپ کی جانب سے عائد کردہ بحری ناکہ بندی کی خلاف ورزی کی تھی۔ واضح رہے کہ ۶ روز قبل انصار اللہ نے صنعا ایئرپورٹ کی بندش اور یمن کے محاصرے کے جواب میں سعودی عرب کے خلاف بحری ناکہ بندی کا اعلان کیا تھا۔