سعودی عرب: اقامہ، لیبر اور سرحدی خلاف ورزی پر 19 ہزار سے زائد افراد کو گرفتارکر لیا گیا

سعودی عرب میں اقامہ، لیبر اور سرحدی قوانین کی خلاف ورزی کرنے پر مجموعی طور پر 18,836 افراد کو گرفتار کیا گیا۔

سرکاری ذرائع کے مطابق یکم سے 7 جنوری کے دوران  11,710 افراد کو اقامہ قوانین کی خلاف ورزی پر، 4,239 افراد کو غیر قانونی سرحد عبور کرنے کی کوشش پر اور 2,887 افراد کو محنت کے قانون کی خلاف ورزی پر حراست میں لیا گیا۔ اسی دوران 10,195 غیر قانونی تارکین کو ان کے ممالک واپس بھیج دیا گیا۔

غیر قانونی طور پر سعودی عرب میں داخل ہونے کی کوشش کرنے والے 1,741 افراد کو بھی گرفتار کیا گیا۔ گرفتار ہونے والوں میں 60 فیصد ایتھوپین، 39 فیصد یمنی اور ایک فیصد دیگر ممالک کے شہری شامل ہیں۔ علاوہ ازیں 46 ایسے افراد بھی پکڑے گئے جو سرحد پار کر کے سعودی عرب سے ہمسایہ ممالک میں داخل ہونے کی کوشش کر رہے تھے۔

حکام نے بتایا کہ سفر، رہائش، روزگار اور پناہ دینے کی کوشش میں ملوث 19 افراد کو بھی حراست میں لیا گیا ہے۔