کوٹ مومن انٹرچینج پر کار سے منشیات برآمد، ڈرائیور گرفتار

پنجاب کے شہر سرگودھا میں موٹروے پولیس اور اینٹی نارکوٹکس فورس (اے این ایف) نے مشترکہ کارروائی کرتے ہوئے منشیات سمگل کرنے کی بڑی کوشش ناکام بنا دی ہے۔ کوٹ مومن انٹرچینج کے قریب ایک مشتبہ گاڑی کی تلاشی کے دوران اس کے خفیہ خانوں سے 5 کلوگرام آئس اور 1.2 کلوگرام چرس برآمد کی گئی۔ کارروائی کے دوران گاڑی کے ڈرائیور معتبر شاہ کو گرفتار کر کے گاڑی اور منشیات کو قانونی کارروائی کے لیے اے این ایف فیصل آباد کے حوالے کر دیا گیا ہے۔ حکام کے مطابق ملزم کے خلاف مقدمہ درج کر لیا گیا ہے اور منشیات کے نیٹ ورک و دیگر سہولت کاروں کی نشاندہی کے لیے تفتیش جاری ہے۔