ریٹائرمنٹ کے بعد سرفراز احمد کی چیئرمین پاکستان کرکٹ بورڈ محسن نقوی سے ملاقات

انٹرنیشنل کرکٹ سے ریٹائرمنٹ کے اعلان کے بعد قومی ٹیم کے سابق کپتان سرفراز احمد نے چیئرمین پاکستان کرکٹ بورڈ محسن نقوی سے ملاقات کی۔
ملاقات کے دوران چیئرمین پاکستان کرکٹ بورڈ نے سرفراز احمد کی پاکستان کرکٹ کے لیے گراں قدر خدمات کو سراہا۔
محسن نقوی نے انٹرنیشنل کرکٹ سے ریٹائرمنٹ کے موقع پر سرفراز احمد کو اعزازی شیلڈ بھی پیش کی۔
اس موقع پر چیئرمین پاکستان کرکٹ بورڈ نے سرفراز احمد کے مستقبل کے لیے نیک خواہشات کا اظہار کرتے ہوئے کہا کہ انہوں نے کرکٹ کے میدان میں پاکستان کی نمائندگی کا حق ادا کیا ہے۔
محسن نقوی کا کہنا تھا کہ سرفراز احمد نے اپنی قیادت اور کارکردگی سے پاکستان کرکٹ کو کئی اہم کامیابیاں دلائیں۔
انہوں نے کہا کہ پاکستان کرکٹ ہمیشہ سرفراز احمد کی خدمات کو یاد رکھے گی اور مستقبل میں بھی ان کے تجربے اور صلاحیتوں سے فائدہ اٹھایا جاتا رہے گا۔