بانی کے ذاتی معالج کو رسائی دی جائے، سرکاری رپورٹ کی توثیق چاہتے ہیں: سلمان اکرم راجہ
Web Desk
17 February 2026
راولپنڈی: بیرسٹر سلمان اکرم راجہ نے میڈیا سے گفتگو کرتے ہوئے مطالبہ کیا ہے کہ بانی کے ذاتی معالج کو فوری رسائی دی جائے اور سرکاری طبی رپورٹ کی توثیق کی جائے۔
انہوں نے کہا کہ ڈاکٹر عاصم یوسف بانی کے ذاتی معالج ہیں اور وہ اس سے قبل پانچ مرتبہ طبی معائنہ کر چکے ہیں، اب انہیں اندر جانے سے کیوں روکا جا رہا ہے؟ ان کا کہنا تھا کہ سرکاری رپورٹ میں بہتری کی بات کی گئی ہے لیکن وہ اس کی تصدیق چاہتے ہیں۔سلمان اکرم راجہ نے بتایا کہ بیرسٹر سلمان صفدر نے جو رپورٹ دی، اس کے مطابق بائیں آنکھ میں مسئلہ ہے۔ انہوں نے کہا کہ اگر علاج کے نتیجے میں بہتری آئی ہے تو یہ خوش آئند بات ہے، مگر اصل صورتحال تب واضح ہوگی جب ذاتی معالج معائنہ کر کے آگاہ کریں گے۔انہوں نے کہا کہ وہ اس معاملے پر تمام قانونی راستے اختیار کر رہے ہیں اور عدالتوں سے بھی رجوع کیا گیا ہے۔ ان کے مطابق چیف جسٹس کے نوٹس لینے کے بعد بانی کی بچوں سے بات بھی ہوئی۔سلمان اکرم راجہ کا کہنا تھا کہ ذاتی معالج کو رسائی نہ دینا معاملے کو ابہام میں رکھنے کے مترادف ہے۔ انہوں نے بتایا کہ ڈاکٹر عامر اعوان اور ڈاکٹر مظہر اسحاق کے نام بھی تجویز کیے گئے تھے، تاہم انہیں قابل قبول قرار نہیں دیا گیا۔انہوں نے مزید کہا کہ ان کی خواہش ہے کہ بانی خود سامنے آ کر ایک جملہ کہہ دیں کہ ان کی آنکھ بہتر ہے، تاکہ تمام شکوک و شبہات ختم ہو جائیں۔بیرسٹر سلمان اکرم راجہ نے واضح کیا کہ انہوں نے عدالت میں کوئی انڈرٹیکنگ نہیں دی تھی، صرف یہ کہا تھا کہ جیل کے گیٹ پر گفتگو نہیں کی جائے گی۔انہوں نے بتایا کہ وہ ملاقات کے لیے آئے ہیں جبکہ دیگر ساتھی پارلیمنٹ اور کے پی ہاؤس میں موجود ہیں اور آج شام مزید مشاورت کی جائے گی۔
متعلقہ عنوانات
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026