سیف اللہ ابڑو کی پی ٹی آئی قیادت پر سخت تنقید، کمیٹی چیئرمین شپ حکومت سے مل کر چھیننے کا الزام
Web Desk
1 January 2026
اسلام آباد : سینیٹر سیف اللہ ابڑو نے پی ٹی آئی کی پارلیمانی قیادت پر شدید تنقید کرتے ہوئے الزام عائد کیا ہے کہ حکومت سے مل کر ان سے سینیٹ کی قائمہ کمیٹی برائے داخلہ کی چیئرمین شپ چھینی گئی۔
سیف اللہ ابڑو کا کہنا تھا کہ بنیادی مسئلہ یہ ہے کہ پی ٹی آئی نے 27ویں آئینی ترمیم کی مؤثر مخالفت ہی نہیں کی، جبکہ موجودہ پارلیمانی قیادت احتجاج اور مزاحمت کی صلاحیت سے محروم نظر آتی ہے۔ انہوں نے کہا کہ علی ظفر لیڈرشپ کے اہل نہیں اور عون عباس بپی کسی بھی پارلیمانی میٹنگ میں موجود نہیں تھے، اگر وہ سامنے آتے تو مشاورت ممکن تھی۔
سینیٹر سیف اللہ ابڑو کے مطابق بانی پی ٹی آئی نے وزارت داخلہ کی قائمہ کمیٹی کی چیئرمین شپ کے لیے ان کا نام دیا تھا، تاہم بعد ازاں چیئرمین سینیٹ یوسف رضا گیلانی، شیری رحمان اور اعظم نذیر تارڑ سے مل کر یہ ذمہ داری ان سے واپس لے لی گئی۔ ان کا کہنا تھا کہ پاور کمیٹی میں پہلے ہی بعض عناصر ان سے ناخوش تھے، اسی لیے انہیں داخلہ کمیٹی نہیں دی گئی، اور اس تمام عمل میں پارٹی کے اندرونی کردار بھی شامل رہے۔
انہوں نے مزید کہا کہ جو لوگ احتجاج کی بات کرتے ہیں وہ خود دفاتر میں بیٹھے رہتے ہیں، جبکہ بعض رہنماؤں نے ذاتی مفادات کی بنیاد پر فیصلے کیے۔ سیف اللہ ابڑو کا کہنا تھا کہ انہوں نے مشکل حالات کے باوجود پارٹی نہیں چھوڑی، جبکہ متعدد رہنما استعفیٰ دے کر دوبارہ پارٹی میں واپس آئے، جس پر سوالات اٹھتے ہیں۔
سیف اللہ ابڑو نے واضح کیا کہ نہ تو انہیں کسی شوکاز نوٹس یا تحریری خط کے ذریعے آگاہ کیا گیا اور نہ ہی آئین کے آرٹیکل 63 اے سے متعلق کوئی باضابطہ اطلاع دی گئی۔ ان کے مطابق فیصلے سوشل میڈیا کے ذریعے کیے جا رہے ہیں، جبکہ پارٹی کی جانب سے کسی باقاعدہ طریقہ کار پر عمل نہیں کیا گیا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026