علی لاریجانی کی شہادت کے بعد ان کے ممکنہ متبادل کا نام سامنے آگیا

تہران: ایران کی قومی سلامتی کے سیکرٹری علی لاریجانی کی مبینہ شہادت کے بعد سابق سیکرٹری سعید جلیلی کے عارضی طور پر ان کی جگہ سنبھالنے کا امکان ظاہر کیا جا رہا ہے۔

سرکاری ٹی وی پر سپریم نیشنل سکیورٹی کونسل کے جاری بیان کے مطابق علی لاریجانی اپنے بیٹے اور معاون سمیت اسرائیلی حملے میں شہید ہوئے۔ واقعہ تہران میں پیر اور منگل کی درمیانی شب تقریباً ساڑھے تین بجے پیش آیا۔بیان کے مطابق علی لاریجانی کو آیت اللہ علی خامنہ ای نے نامزد کیا تھا، جبکہ سعید جلیلی بھی نیشنل سکیورٹی کونسل میں اہم کردار ادا کر چکے ہیں۔ذرائع کے مطابق امکان ہے کہ سعید جلیلی عارضی طور پر یہ ذمہ داریاں سنبھالیں گے، جب تک ممکنہ نئے سپریم لیڈر مجتبیٰ خامنہ ای کونسل میں اپنے نمائندے نامزد نہیں کر دیتے۔

واضح رہے کہ اس حوالے سے مختلف دعوے سامنے آ رہے ہیں اور صورتحال کے مزید پہلوؤں کی تصدیق ہونا باقی ہے۔