روس نے ایران کے خلاف سلامتی کونسل میں مجوزہ امریکی قرارداد مسترد کردی

اقوامِ متحدہ میں روس کے مستقل مندوب ویسلی نیبینزیا نے خلیج فارس کی بحری سلامتی سے متعلق اجلاس میں واضح کیا کہ ماسکو ایسی کسی قرارداد کی حمایت نہیں کرے گا جو صرف ایران کو نشانہ بنائے اور بحران کی اصل وجوہات کو نظر انداز کرے۔ انہوں نے خبردار کیا کہ متعصبانہ اور یک طرفہ بیانیہ مسلط کرنے کی کوششیں خطے میں کشیدگی کی نئی لہر کو جنم دے سکتی ہیں۔ روس نے زور دیا کہ بحری سلامتی کے لیے اشتعال انگیز اقدامات کے بجائے جاری تنازعات کا خاتمہ اور فوجی کارروائیاں روکنا ضروری ہے۔