روس میں فوجی ٹرانسپورٹ طیارہ تباہ، 29 افراد جان سے گئے

روس میں فوجی ٹرانسپورٹ طیارہ گر کر تباہ ہوگیا جس کے نتیجے میں 29 افراد ہلاک ہوگئے۔
روسی وزارت دفاع کے مطابق اے این 26 طیارہ کریمیا کے علاقے میں حادثے کا شکار ہوا، جس میں 23 مسافر اور عملے کے 6 افراد شامل تھے۔
حکام کا کہنا ہے کہ طیارے نے اڑان بھرنے کے کچھ ہی دیر بعد کنٹرول سے رابطہ منقطع کردیا، جس کے بعد حادثہ پیش آیا۔
ریسکیو اہلکار جائے حادثہ سے طیارے کا ملبہ تلاش کرنے میں کامیاب ہوگئے ہیں۔
ابتدائی رپورٹ کے مطابق حادثے کی ممکنہ وجہ تکنیکی خرابی قرار دی جارہی ہے جبکہ واقعے کی مزید تحقیقات جاری ہیں۔