روس نے پاکستان اور افغانستان کے درمیان ثالثی کی پیشکش کر دی

روسی وزارتِ خارجہ کی ترجمان ماریا زاخارووا نے عالمی میڈیا سے گفتگو کرتے ہوئے کہا کہ پاک افغان سرحد پر تناؤ کا خاتمہ اور دونوں ممالک کا مذاکرات کے ذریعے مسئلے کے حل پر آمادگی ظاہر کرنا خوش آئند ہے۔ ان کا کہنا تھا کہ یہ قدم خطے میں پائیدار امن کی بنیاد بن سکتا ہے۔
ماریا زاخارووا نے جنگ بندی کے عمل میں قطر اور ترکیہ کے ثالثی کردار کو بھی سراہا اور کہا کہ ان ممالک نے امن کے لیے مؤثر کردار ادا کیا ہے۔ ترجمان نے اس عزم کا اظہار کیا کہ پاکستان اور افغانستان کو چاہیے کہ وہ تعاون کو وسعت دیں اور دہشتگردی کے خلاف مشترکہ اقدامات کریں۔
ترجمان نے مزید کہا کہ روس سمجھتا ہے کہ پاک افغان تعلقات کی بہتری نہ صرف ان دو ممالک کے لیے بلکہ پورے خطے کی سلامتی کے لیے ناگزیر ہے۔