روس میں ملٹری پولیس کی عمارت میں دھماکا، 3 افراد ہلاک

روس کے شہر سینٹ پیٹرزبرگ کے قریب ایک گاؤں میں ملٹری پولیس کی عمارت میں ہونے والے خوفناک دھماکے کے نتیجے میں کم از کم 3 افراد ہلاک ہو گئے۔

غیر ملکی خبر ایجنسی کے مطابق دھماکے سے عمارت کی کئی منزلیں منہدم ہو گئیں، جبکہ اردگرد کے علاقے میں بھی شدید نقصان کی اطلاعات ہیں۔حکام کا کہنا ہے کہ دھماکے کی وجوہات تاحال معلوم نہیں ہو سکیں اور واقعے کی تحقیقات جاری ہیں۔ریسکیو آپریشن کے لیے فوجی اور سکیورٹی اہلکاروں کو فوری طور پر جائے وقوعہ پر روانہ کیا گیا، جہاں ملبہ ہٹانے اور ممکنہ متاثرین کو تلاش کرنے کا عمل جاری ہے۔ابتدائی اطلاعات کے مطابق مزید جانی نقصان کا خدشہ بھی ظاہر کیا جا رہا ہے، تاہم حکام کی جانب سے حتمی بیان تحقیقات مکمل ہونے کے بعد جاری کیا جائے گا۔