روس کا یوکرین کے دارالحکومت کیف پر حملہ، 5 افراد زخمی

روسی فوج کی جانب سے یوکرین کے دارالحکومت کیف اور اس کے گردونواح پر مسلسل 8 ویں روز شدید فضائی حملوں کا سلسلہ جاری ہے، جس کے تحت تازہ ترین کارروائی میں کیف پر دوبارہ حملہ کر دیا گیا ہے۔ یوکرینی حکام اور میڈیا رپورٹس کے مطابق روسی ڈرون نے کیف میں واقع یوکرینی سکیورٹی سروس (SBU) کے مرکزی ہیڈکوارٹر کو بلاواسطہ نشانہ بنایا۔ یوکرینی صدر نے حملے کی تصدیق کرتے ہوئے بتایا کہ ایس بی یو ہیڈکوارٹر کو اس سٹرائیک سے براہِ راست نقصان پہنچا ہے جبکہ عمارت میں موجود 5 افراد زخمی ہو گئے ہیں۔