روس کا 24 گھنٹوں میں 1175 یوکرینی فوجی ہلاک یا زخمی، 391 ڈرونز تباہ کرنے کا دعویٰ

روسی وزارتِ دفاع نے دعویٰ کیا ہے کہ گزشتہ 24 گھنٹوں کے دوران یوکرین میں جاری عسکری کارروائیوں میں 1 ہزار 175 یوکرینی فوجی ہلاک و زخمی ہوئے، جبکہ دفاعی نظام نے 391 ڈرونز کو فضا ہی میں تباہ کر دیا۔ یکم نومبر کو جاری کردہ رپورٹ کے مطابق روسی افواج نے مختلف محاذوں پر کارروائیاں کرتے ہوئے یوکرینی فوج کے زیرِ استعمال توانائی، نقل و حمل کے بنیادی ڈھانچے، ڈرون ورکشاپس، اسلحہ کے گوداموں اور غیر ملکی جنگجوؤں کے مراکز کو نشانہ بنایا۔ رپورٹ کے مطابق ڈرونز کو تباہ کرنے سمیت تمام عسکری پیش رفت روسی وزارتِ دفاع کے اعداد و شمار پر مبنی ہے، تاہم مستقل تصدیق کا عمل آزادانہ ذرائع سے تاحال جاری ہے۔