حکمران آئین پر عمل نہیں کرتے تو ان کی کوتاہی ہے: مولانا فضل الرحمان

پشاور میں جمعیت علمائے اسلام (ف) کے ورکرز کنونشن سے خطاب کرتے ہوئے پارٹی سربراہ مولانا فضل الرحمان نے کہا ہے کہ آئین میں واضح درج ہے کہ قرآن و سنت کے منافی کوئی قانون نہیں بنایا جائے گا، اور اگر حکمران آئین پر عمل نہیں کرتے تو یہ ان کی اپنی کوتاہی ہے۔ انہوں نے مزید کہا کہ ملک کے دفاع کے لیے مضبوط عسکری قوت ریاست کی اشد ضرورت ہے اور جے یو آئی (ف) ہمیشہ مضبوط دفاع کی قائل رہی ہے۔ اس موقع پر مرکزی جنرل سیکرٹری عبدالغفور حیدری نے بھی خطاب کیا اور الزام عائد کیا کہ جے یو آئی کی آواز دبانے کے لیے ہر ممکن حربہ استعمال کیا جا رہا ہے اور کونسلر کی نشست نہ جیتنے والوں کو ان کی پارٹی کے مقابلے میں لا کھڑا کیا جاتا ہے۔