ریاض : امریکی سفارتخانے میں دھماکے کے بعد آگ لگ گئی، غیرملکی خبر ایجنسی

سعودی دارالحکومت ریاض میں امریکی سفارتخانے میں دھماکے کے بعد آگ لگ گئی۔ غیرملکی خبر ایجنسی کے مطابق واقعے کے بعد سفارت خانے کی عمارت سے دھواں اٹھتا دیکھا گیا۔

سعودی وزارت دفاع کے بیان میں کہا گیا ہے کہ ریاض میں امریکی سفارتخانے کو دو ڈرونز کے ذریعے نشانہ بنایا گیا۔ وزارت دفاع کے مطابق حملے کے نتیجے میں دھماکہ ہوا جس کے بعد عمارت میں آگ بھڑک اٹھی۔

حکام کا کہنا ہے کہ صورتحال کو قابو میں لانے کیلئے فوری اقدامات کیے گئے اور متعلقہ ادارے جائے وقوعہ پر پہنچ گئے۔ واقعے کے بعد سکیورٹی مزید سخت کر دی گئی ہے۔