دنیا کے 5 امیر ترین خاندانوں میں 3 عرب شاہی گھرانے شامل، والٹن خاندان سرفہرست

معروف عالمی جریدے بلوم برگ کی جانب سے رواں سال کے لیے جاری کی گئی دنیا کے 25 امیر ترین خاندانوں کی فہرست میں حیرت انگیز طور پر پہلے پانچ مقامات پر تین کا تعلق عرب دنیا سے ہے۔ یہ تمام خاندان نہ صرف مالی طور پر مستحکم ہیں بلکہ عالمی اثر و رسوخ اور طاقت کے لحاظ سے بھی اپنی ایک منفرد حیثیت رکھتے ہیں۔

بلوم برگ کی اس فہرست میں شامل تمام 25 خاندانوں کی مجموعی دولت 2.9 ٹریلین ڈالر تک پہنچ چکی ہے، جس میں رواں سال 358.7 ارب ڈالر کا شاندار اضافہ ریکارڈ کیا گیا۔

فہرست میں ریٹیل مارٹ ‘والمارٹ’ کے مالک والٹن خاندان (امریکا) 513.4 ارب ڈالر کی مجموعی دولت کے ساتھ دنیا کے امیر ترین خاندانوں میں پہلے نمبر پر براجمان ہے۔

تاہم، سرفہرست 5 خاندانوں میں تین عرب طاقتور خاندان شامل ہیں:

1. آل نہیان (متحدہ عرب امارات): ابوظبی کے حکمران خاندان کو 335.9 ارب ڈالر کی مجموعی دولت کے ساتھ دنیا کا دوسرا امیر ترین خاندان قرار دیا گیا ہے۔

2. آل سعود (سعودی عرب): سعودی عرب کا شاہی خاندان 213.6 ارب ڈالر کی دولت کے ساتھ فہرست میں تیسرے نمبر پر جگہ بنانے میں کامیاب رہا ہے۔

3. آل ثانی (قطر): قطر کے حکمران خاندان آل ثانی کی مجموعی دولت کا تخمینہ 199.5 ارب ڈالر لگایا گیا ہے اور یہ چوتھے نمبر پر ہیں۔

اس طرح، پہلے چار مقامات میں سے تین پر عرب خاندان قابض ہیں، جو خطے کی بڑھتی ہوئی معاشی اور مالیاتی قوت کی عکاسی کرتا ہے۔