LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بلاول 2020 سے کاروبارِ حکومت میں پارٹنر، کیا آپ لیکچر یا دھمکی دینے کا حق رکھتے ہیں؟ خواجہ آصف عدالت کا بشریٰ بی بی کو جیل میں ہر قسم کی ممکنہ سہولیات فراہم کرنے کا حکم چھوٹے صوبے ناگزیز، سندھ میں خون کا قطرہ بھی گرا تو ذمہ دار بلاول ہونگے: مصطفیٰ کمال سندھ کی تقسیم کے معاملے پر خونریزی کس بنیاد پر ہوگی؟ ملک احمد خان امیرِ جماعت اسلامی کا جمعے کو شوگر ملز کے باہر دھرنے کا اعلان سعودی عرب نے خلیجی ممالک کیلئے ہنگامی صحت منصوبے کی منظوری دیدی 190 ملین پاؤنڈ کیس میں عمران خان کی سزا برقرار رہ سکتی ہے: طارق فضل چودھری پنجاب کے سرکاری سکولوں کے اساتذہ کے لیے نیا ڈریس کوڈ جاری الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب پاکستان اور چین کا قانون نافذ کرنے والے اداروں میں معاونت بڑھانے پر اتفاق بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز

سمارٹ میٹرز کی قیمتوں میں 40 فیصد کمی، سالانہ 150 ارب روپے کی بچت

Web Desk

15 December 2025

وفاقی وزیر پاور ڈویژن سردار اویس احمد خان لغاری نے کہا ہے کہ بجلی کے سمارٹ میٹرز کی قیمتوں میں 40 فیصد تک کمی کر دی گئی ہے، جس کے نتیجے میں ملکی سطح پر سالانہ 150 ارب روپے کی بچت ممکن ہوئی ہے۔

وفاقی وزیر نے بتایا کہ بروقت اور مؤثر اقدامات، شفافیت کے فروغ اور بین الاقوامی مسابقتی عمل کو یقینی بنانے سے بجلی تقسیم کار کمپنیوں کے لیے نئے سمارٹ میٹرز کی قیمتیں نمایاں حد تک کم ہوئیں۔

اویس لغاری کے مطابق تین فیز سمارٹ میٹر کی قیمت تقریباً 40 ہزار روپے سے کم ہو کر 25 ہزار روپے ہو گئی ہے، جبکہ سنگل فیز میٹر کی قیمت میں 7 ہزار روپے تک کمی آئی ہے۔

انہوں نے کہا کہ بہتر حکمت عملی کے تحت پاکستان انجینئرنگ کونسل کے ریگولیشنز میں مثبت تبدیلیاں کی گئیں، جس کے باعث بین الاقوامی کمپنیوں نے مسابقتی عمل میں بھرپور شرکت کی اور انہیں درپیش رکاوٹیں ختم ہوئیں۔

وفاقی وزیر کے مطابق مسلسل مانیٹرنگ اور سمارٹ میٹرز کے لیے شفاف و مسابقتی معیار مقرر کرنے سے قیمتوں میں مزید کمی دیکھنے میں آ رہی ہے۔ انہوں نے بتایا کہ 150 ارب روپے کی سالانہ بچت بجلی تقسیم کار کمپنیوں کی جانب سے خراب اور پرانے میٹرز کی تبدیلی پر استعمال کی جا رہی ہے۔

اویس لغاری نے کہا کہ نئے سمارٹ میٹرز کی تنصیب سے بجلی صارفین کو بھی اربوں روپے کی بچت ہوگی، جس کا براہ راست فائدہ نئے کنکشن کے ڈیمانڈ نوٹس کے اخراجات میں کمی کی صورت میں صارفین کو مل رہا ہے۔

انہوں نے مزید کہا کہ سمارٹ میٹرز کی بدولت غلط میٹر ریڈنگ کا خاتمہ، بجلی چوری کی فوری نشاندہی، پیشگی ادائیگی کی سہولت، میٹرز کی براہ راست مانیٹرنگ، بجلی کے استعمال سے متعلق مکمل معلومات اور لائن مین کے بغیر بجلی کی بحالی جیسے متعدد فوائد حاصل ہوں گے۔