راولپنڈی: اے ٹی سی عدالت میں شیخ رشید کی میڈیا سے گفتگو

عوامی مسلم لیگ کے سربراہ شیخ رشید احمد نے کہا ہے کہ آج ایک بار پھر انسداد دہشت گردی عدالت میں حاضری لگوانے آئے تھے اور حاضری مکمل ہو گئی ہے، اب جج صاحب آئندہ تاریخ دیں گے۔

اے ٹی سی کورٹ راولپنڈی کے باہر میڈیا سے گفتگو کرتے ہوئے شیخ رشید احمد نے کہا کہ نو مئی کے واقعات کے وقت وہ پاکستان میں موجود ہی نہیں تھے، اس کے باوجود ان کے خلاف مقدمات قائم کیے گئے ہیں۔

انہوں نے چیف جسٹس آف پاکستان سے اپیل کرتے ہوئے کہا کہ نو مئی کیسز میں نامزد ملزمان کی اپیلیں فوری طور پر سنی جائیں تاکہ انصاف ممکن ہو سکے۔ شیخ رشید کے مطابق طویل عرصے سے اپیلیں التوا کا شکار ہیں جس کی وجہ سے متاثرہ افراد شدید مشکلات کا سامنا کر رہے ہیں۔

شیخ رشید احمد نے کہا کہ انصاف میں تاخیر کے باعث لوگوں کے گھروں کے چولہے بجھ چکے ہیں، جبکہ مہنگائی اور بے روزگاری نے عوام کی مشکلات میں مزید اضافہ کر دیا ہے۔