LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

سال نو پر راولپنڈی میں موسلا دھار بارش، سردی میں اضافہ

Web Desk

31 December 2025

راولپنڈی میں سال نو کے آغاز کے ساتھ ہی موسلا دھار بارش کا سلسلہ شروع ہوگیا جس کے باعث سردی کی شدت میں نمایاں اضافہ ریکارڈ کیا گیا اور خراب موسم کے سبب متعدد مقامات پر تقریبات منعقد نہ ہو سکیں، شہری بڑی تعداد میں گھروں تک محدود رہے۔

بارہ بجتے ہی اندرونِ شہر کے مختلف علاقوں سے ہوائی فائرنگ اور آتشیں گولیوں کی آوازیں سنائی دیں، تاہم پولیس نے صورتحال پر کڑی نظر رکھنے کا دعویٰ کیا ہے۔ تیز بارش اور سرد ہواؤں نے شہریوں کو مزید مشکلات سے دوچار کر دیا جبکہ خراب موسم کے باعث تجارتی مراکز اور مارکیٹیں معمول سے پہلے بند ہوگئیں جس سے کاروباری سرگرمیاں متاثر ہوئیں۔

محکمہ موسمیات کے مطابق شمس آباد، کچہری اور پیرودھائی میں مجموعی طور پر 5 ملی میٹر بارش ریکارڈ کی گئی جبکہ بارش کا سلسلہ وقفے وقفے سے جاری ہے۔ سال نو کے موقع پر راولپنڈی میں دفعہ 144 نافذ ہے اور ہوائی فائرنگ، آتش بازی اور ون ویلنگ پر مکمل پابندی عائد کی گئی ہے۔

سیکیورٹی کے سخت انتظامات کے تحت شہر بھر میں پانچ ہزار سے زائد پولیس اہلکار اور افسران تعینات کیے گئے ہیں، جبکہ ٹریفک کی روانی برقرار رکھنے کے لیے 700 سے زائد ٹریفک وارڈنز مختلف شاہراہوں پر ڈیوٹی سرانجام دے رہے ہیں۔ شہر کے مختلف علاقوں میں 70 سے زائد پولیس پیکٹس بھی قائم کیے گئے ہیں، جبکہ جگہ جگہ پولیس نفری تعینات ہے تاکہ کسی بھی ناخوشگوار واقعے سے نمٹا جا سکے۔