26 نومبر احتجاج کیس؛ جج کی رخصت کے باعث علیمہ خان کے خلاف مقدمے کی سماعت بغیر کارروائی کے 11 اگست تک ملتوی

راولپنڈی کی انسدادِ دہشت گردی عدالت (ATC) میں بانی پی ٹی آئی عمران خان کی ہمشیرہ علیمہ خان کے خلاف 26 نومبر کے احتجاج کے سلسلے میں درج مقدمے کی سماعت بغیر کسی کارروائی کے 11 اگست تک ملتوی کر دی گئی ہے۔ سماعت کے سلسلے میں علیمہ خان اپنے وکیل فیصل ملک کے ہمراہ عدالت میں پیش ہوئیں، تاہم انسدادِ دہشت گردی عدالت کے جج امجد علی شاہ کے رخصت پر ہونے کے باعث باقاعدہ سماعت عمل میں نہیں آ سکی اور عدالت نے کیس کی اگلی تاریخ مقرر کرتے ہوئے کارروائی ملتوی کر دی۔