کالعدم جوائنٹ ایکشن کمیٹی گرتی ساکھ بچانے کیلئے منفی پروپیگنڈا کرنے لگی
Web Desk
4 July 2026
انسپکٹر جنرل (آئی جی) آزاد جموں و کشمیر کے ترجمان نے راولاکوٹ میں جاری دھرنے پر مبینہ پولیس کارروائی، شیلنگ اور فائرنگ سے متعلق سوشل میڈیا پر چلنے والی خبروں کو یکسر بے بنیاد، من گھڑت اور گمراہ کن قرار دیتے ہوئے مسترد کر دیا ہے۔
ترجمان آئی جی آزاد کشمیر کی جانب سے جاری بیان کے مطابق، کالعدم جوائنٹ ایکشن کمیٹی عوام کی عدم دلچسپی، شرکا کی بڑی تعداد میں واپسی اور اپنی گرتی ہوئی ساکھ کو بچانے کے لیے سوشل میڈیا پر منفی پروپیگنڈا اور منظم مہم چلا رہی ہے۔ حقیقت یہ ہے کہ دریک عیدگاہ میں جاری دھرنے پر قانون نافذ کرنے والے اداروں کی جانب سے کوئی کارروائی نہیں کی گئی ہے۔
ترجمان نے انکشاف کیا کہ بعض شرپسند عناصر پرانی ویڈیوز کو موجودہ صورتحال سے جوڑ کر عوام میں بے چینی، خوف و ہراس پھیلانے اور قانون نافذ کرنے والے اداروں پر عوام کے اعتماد کو ٹھیس پہنچانے کی ناکام کوشش کر رہے ہیں۔ ترجمان کا کہنا تھا کہ کالعدم عوامی ایکشن کمیٹی اپنی ناکامی کو چھپانے کے لیے ایسی گمراہ کن مہم کا سہارا لے رہی ہے، تاہم یہ شرپسند عناصر اپنے مذموم مقاصد میں کبھی کامیاب نہیں ہوں گے۔
ترجمان آئی جی آزاد کشمیر نے عوام اور سوشل میڈیا صارفین سے اپیل کی ہے کہ وہ ذمہ داری، تحمل اور قومی مفاد کو مدنظر رکھتے ہوئے کسی بھی خبر یا ویڈیو کو شیئر کرنے سے قبل اس کی تصدیق ضرور کریں۔ انہوں نے زور دیا کہ شہری صرف مستند ذرائع سے حاصل ہونے والی معلومات پر ہی یقین کریں تاکہ کسی بھی گمراہ کن، نفرت انگیز یا اشتعال انگیز مہم کا حصہ بننے سے بچا جا سکے۔
بیان کے آخر میں ترجمان نے واضح کیا کہ امن و امان کا قیام، قانون کی بالادستی اور عوام کا تحفظ پولیس کی اولین ترجیح ہے۔ پولیس ہر شہری کے آئینی و قانونی حقوق کا مکمل احترام کرتی ہے اور تمام معاملات میں قانون کے مطابق ہی کارروائی عمل میں لائی جاتی ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026